Estee Lauder
Estee Lauder - 1946-cı ildə Josephine Esther Mentzer tərəfindən əsası qoyulmuşdur. Uşaqlıqdan inadkarlığı və məqsədyönlü xarakteri ilə fərqlənən Esther, kimyaçı dayısı John Schotz-un laborotoriyasında işləməyə böyük həvəs göstərir. İlk olaraq biznesini dayısının kremlerini gözəllik salonlarına satmaqla başlayan xanım, müddət keçdikcə sevilməyə başlayır. Biznesin uğurlu olduğunu görən Esther işini təsis etmək qərarına gəlir. 1948-ci ildə “Saks Fifth Avenue”-nun rəhbərliyini ona yer ayırmağa razı salır. 1953-cü ildə “Youth Dew” ətir və baxım seriyası təqdim olunur. İşi ilə birlikdə gözəllik və baxım anlayışına yeni nəfəs gətirən Esther, məhsullarının kiçik nümunəsini paylamaqla, məhsullarını cəmiyyətin tanınmış simalarına göndərməklə məhşurlaşır. Baxım sahəsində qadınlarla yanaşı kişilərə də önəm verən Lauder, Aramis və ilk hipoallergen marka Clinique təsis edir. Zamanın tələbinə uyğun məhsullar istehsal etməklə hər zaman favoritlər sırasında yer alır.
1998-ci ildə Este Lauder, Time jurnalının tərtib
etdiyi müasir dövrün iyirmi ən nüfuzlu biznesmeninin siyahısına daxil edilmiş
yeganə qadın olur. Hazırda ailə şirkəti olmağa davam edən brendi Lauder-in oğlu
Leonard Lauder və gəlini Evelyn Lauder idarə edir. Estee Lauder məhsulları
dünyanın yüz otuz ölkəsində satılır.